Мөселманнар ислам нигезенең биш гамәленең берсе булган рамазан аенда ураза тоталар. Көннәр эссе, озын булуына карамастан хәтта өлкән яшьтәге милләттәшләребез дә фарыз гамәлне төгәл үтәргә омтыла. Бу дүшәмбедә ифтарда татар милли хәрәкәте вәкилләре дә катнашты.

Үткән шимбәдә Воткинскида милли бәйрәмебез Сабантуе республика күләмендә узды. Воткинскида дүрт ел шәһәрнең милли-мәдәни автономиясе милли бәйрәмебезне үткәрә. Быел бишенче бәйрәмне аларга республика күләмендә оештырырга туры килде.